Nodavlat oliygohlar: ikki xil namunadagi diplomlar va ularning kuchi
![Nodavlat oliygohlar: ikki xil namunadagi diplomlar va ularning kuchi](https://static.oliygoh.uz/crop/2/3/832__85_2370352196.jpg?t=1721595187)
Abituriyentlar uchun onlayn testlar
➡️ DTM BLOK TESTLAR
O‘zbekiston nodavlat oliygohlari tomonidan ikki xil namunadagi diplomlar beriladi. Bu diplomlar davlat standartlariga mos ravishda va nodavlat oliygohlarning o‘z o‘quv dasturlari asosida taqdim etiladi.
Davlat namunasidagi diplom
Nodavlat oliygohlarda davlat standartiga javob beradigan o‘quv dasturidan foydalanilganda davlat namunasidagi diplom beriladi. Ya’ni, o‘quv dasturi davlat tizimida bo‘lsa, davlat oliygohlari tomonidan berilayotgan diplomlar bilan bir xil diplom oladilar.
Ixtiyoriy namunadagi diplom
Nodavlat oliygohi o‘zi ishlab chiqqan o‘quv dasturi standarti asosida o‘qitayotgan bo‘lsa, talabaning mutaxassislik bo‘yicha ta’lim dasturini to‘la o‘zlashtirishini kafolatlovchi hujjatlar mavjud bo‘lgan taqdirda ixtiyoriy namunadagi diplom berilishi mumkin. Ya’ni, xorijiy yoki o‘zi tomonidan ishlab chiqilgan davlat dasturi bo‘yicha bo‘lmagan ta’lim tizimida o‘qitayotgan oliygohlar o‘zlari istagan usulda diplom berishlari mumkin. Beriladigan diplom namunasi (shakli) oliygoh tomonidan mustaqil yaratiladi.
Xavotirlanishga asos yo‘q
Xavotirlanishga asos yo‘q. Ikkala diplom ham "Ta’lim to‘g‘risidagi qonun"ning 31-moddasiga binoan davlat oliygohlari bilan bir xil teng kuchga ega hisoblanadi. Bu esa talabalarga nodavlat oliygohlarda ta’lim olish imkoniyatlarini kengaytiradi va ular tomonidan olingan diplomlarning kuchini kafolatlaydi.